زووم، ئاژانسەکان:
حکومەتی ئێران کچێکی بلۆگەری تەمەن 22 ساڵی بەناوی “بیتا حەقانی” بە تۆمەتی بڵاوکردنەوەی “بەدڕەوشتی” دەستگیر کردووە و مەترسی ئەوەی لەسەر سزای لەسێدارەدانی بەسەردا بسەپێنرێت.
مەسیح عەلینەژاد چالاکی مافەکانی مرۆڤ، کە لە ئەمریکا دەژی، دەڵێت، خانەوادەی بیتا حەقانی “زۆر نیگەرانن” لەوەی دەسەڵاتی دادوەریی ئێران، سزای لە سێدارەدان بەسەر کچەکەیاندا جێبەجێ بکەن.
بیتا حەقانی 21 رۆژ لەمەوبەر لە پارێزگای مازندەرانی باکوری ئێران لەلایەن هێزە ئەمنیەکانەوە دەستگیرکراوە و بەگوێرەی میدیاکانی ئۆپۆزسیۆنی ئێران، ئێستا لە زیندانێکی تاکەکەسی ئیتلاعاتی سوپای پاسدارانی قائیم شەهری ئەو پارێزگایە راگیراوە.
#بیتا_حقانی ۲۲ ساله ی اهل ساری بیشتر از دو ماهه که بازداشت شده و ۲۰ روز رو در انفرادی اطلاعات سپاه ساری زیر شکنجه روحی و جسمی بوده و به افساد فی الارض متهمش کردن. صدای این دختر هنرمند بی گناه باشین.#مهسا_امینی pic.twitter.com/tiPfXMKZiz
— امین (@aminjaast) December 19, 2022
هەرچەندە تاوەکو ئێستا، بیتا حەقانی دادگایی نەکراوە و کاتی دادگاییکردنیشی ئاشکرا نەکراوە، بەڵام یەکلابووەتەوە، کە تۆمەتی بڵاوکردنەوەی “بەدڕەوشتی” خراوەتە پاڵ و بەگوێرەی یاساکانی ئێرانیش ئەو تۆمەتە سزای لەسێدارەدانی بەدواوەیە.
#بیتا_حقانی_نسیمی ، بلاگر و دانشجوی ۲۲ ساله، اهل و ساکن ساری در تاریخ ۲۶ مهرماه توسط ماموران جمهوری اسلامی بازداشت شد.#مهسا_امینی pic.twitter.com/FAq5JV4AQC
— ۱۵۰۰تصویر_لیست (@1500tasvir_list) December 19, 2022
بەگوێرەی ئاماری رێکخراوی مافەکانی مرۆڤی ئێران، لە 16ی ئەیلولەوە تاوەکو ئێستا، نزیکەی 470 کەس لە سەرتاسەری ئێران کوژراون کە لەو ژمارەیە 32 کەسیان ژن و 63 کەسیان منداڵن.
تاوەکو ئێستا دوو خۆپیشاندەر لەسێدارەدراون و مەترسی جێبەجێکردنی سزای لەسێدارەدان لەسەر نزیکەی 40 کەسی دیکە هەیە.
