زووم..
کەشناسیی ئێران پێشبینى دەکات لە رۆژى دووشەممەوە شەپۆلێکى بارانبارینى بەهێز رۆژهەڵاتى کوردستان و ئێران بگرێتەوە و هۆشدارى دەدات.
بەگوێرەی پێشبینى کەشناسیی ئێران، شەپۆلە بارانبارینەکە سەرەتا پارێزگاکانی سنە و کرماشان و ورمێ دەگرێتەوە و دواتریش پارێزگا ناوەندییەکانى ئێران دەگرێتەوە.
کەشناسی داوا لە خەڵک دەکات نەچنە شوێنە بەرزەکان و نزیک رووبارەکان نەکەونەوە، ئەوەش بەهۆی کەمبوونەوەی مەودای بینین و خلیسکانی رێگاکان و لافاوی رووبارەکان هەروەها دەڵێت، تاوەکو دەتوانن گەشت مەکەن.
کەشناسی رایگەیاندووە، لە ناوچە شاخاوییەکان ئەگەری کەوتنەخوارەوەی بەرد و زیانگەیاندن بە بەرهەمە کشتوکاڵییەکان دەکرێت.
