زووم:
دکتۆر سەباح هەورامى، بەڕێوەبەرى گشتیى تەندروستیى سلێمانى دەڵێت، ئاوى خواردنەوەى سلێمانى پیسە و سەرچاوەی بڵاوبوونەوەی ئەو پەتایەیە لە ئێستادا بڵاوە.
بەڕێوەبەرى تەندروستیى سلێمانى لە فەیسبووکی خۆی لەبارەى بڵاوبوونەوەى ئەو پەتایەى لە سلێمانى بڵاوبووەتەوە دەڵێت، پەتایەکی وەرزی بڵاوبووەتەوە، کۆرۆنا نییە بەڵام بەشێکی زۆری کۆرۆنا و چەند ڤایرۆسێکی دیکەیە، هۆكارەکەشی پیسیی ئاوی سلێمانییە.
دەشڵێت، ئاوى سلێمانى بەشێکى پیسە و بەشێکى گەڕەکەکانیش بە تانکەر ئاویان بۆ دەڕوات، سیتییەکانیش سەرچاوەى ئاوەکانیان پاک نییە و دەبێت ئەو کێشانە چارەسەر بکرێن.
سەبارەت بە نەخۆشیی کۆلێرا، دکتۆر سەباح هەورامى دەڵێت، پێویستە رێگە لە بڵاوبوونەوەی بگیرێت و لەگەڵ هاتنی وەرزی گەرمادا فەرمانگە پەیوەندیدارەکان رێگری لە بڵاوبونەوەی بکەن.
