زووم..
وەزارەتی ناوخۆی عێراق رایگەیاند دایک و باوکێک لە پارێزگای نەینەوا بە هاوکاریی کوڕێکیان دوو منداڵی خۆیان کوشتووە.
وەزارەتی ناوخۆ راگەیەندراوێکی لەوبارەیەوە بڵاوکردووەتەوە و دەڵێت، یەکێک لە منداڵەکان تەمەنی سێ ساڵانە و منداڵەکەی دیکەش حەوت ساڵە.
دەشڵێت، دایک و باوکەکە ئالودەی مادە هۆشبەرەکانن و بەدانپێدانانی خۆیان، بەهۆی کێشەی خێزانییەوە، ئەو تاوانانەیان ئەنجامداوە.
وەزارەتی ناوخۆی عێراق لیژنەیەکیان بۆ لێکۆڵینەوە لە تاوانەکە پێکهێناوە و دانپێدانانی سەرەتایی و دادوەرییان لە تۆمەتبارەکان وەرگرتووە، ئێستا هەر سێ تۆمەتبارەکە بەگوێرەی ماددەی 406 یاسای سزادانی عێراقی راگیراون
