زووم..
عەبدولزەهرە هنداوی گوتەبێژی وەزارەتی پلاندانان رایگەیاند، لە ماوەی ١٠ ساڵی رابردوودا رێژەی نەخوێندەواریی لە عێراق لەسەدا ١٢ دابەزیوە.
عەبدولزەهرە هنداوی، قسەى بۆ ئاژانسی فەرمى هەواڵی عێراق کردووە و رایگەیاندووە، پێش ١٠ ساڵ رێژەى نەخوێندەوارى لە عێراق لەسەدا ٢٠ بووە، بەهۆی خوێندنی گەورەساڵانەوە رێژەکە دابەزیووە بۆ لەسەدا ١٢.
هاوکات کەریم سەید، گوتەبێژی وەزارەتی پەروەردەی عێراق بە ئاژانسەکەى گوتووە، لە ساڵی ٢٠١١ـەوە دوو ملیۆن و ٢٥٠ هەزار کەس چوونەتە بەر خوێندنی گەورەساڵان.
ئەو گوتوویەتی، لەو ماوەیەدا ٢٣٦ سەنتەری خوێندن و ٤٢٨ قوتابخانەی خوێندنی گەورەساڵانیان کردووەتەوە.
