زووم:
شاندی کوەیت بەشداریی ئاهەنگی دەستپێکی جامی کەنداو ناکەن و بەرەو وڵاتی خۆیان دەگەڕێنەوە، پاشئەوەی لە کاتی چوونە ژوورەوەیان بۆ نێو یاریگە “پشێویی” دروستدەبێت.
السياسة || 🇰🇼
■ إنسحاب الوفد الكويتي برئاسة ممثل سمو الامير الشيخ فهد الناصر والوفد المرافق له من حضور افتتاح كأس الخليج في العراق.● ولم يصدر بيان رسمي عن الوفد لمعرفة السبب خلف قرار الانسحاب. pic.twitter.com/1BKkzoDuVr
— أخبار الكويت 🇰🇼 (@a5bar__kwt) January 6, 2023
رۆژنامەی قەبەسی کوەیتی، هۆکاری کشانەوەی شاندی وڵاتەکەی ئاشکراکردووە و نووسیویەتی، شاندی کوەیت دوایین شاند بووە کە بچێتە نێو یاریگە، بەڵام لەوکاتەدا پشێویی دروستبووە، بەشێک لە هاندەران لە شوێنی دانیشتنی ڤی ئای پی نزیکبوونەتەوە و پۆلیس نەیتوانیوە کۆنتڕۆڵیان بکات.
“وەزیری وەرزشی عێراق داوای لە شاندی کوەیت کردووە لەبەر سەلامەتیی خۆیان یاریگە جێبهێڵن” بەگوێرەی هەواڵێکی قەبەس.
وەزیری وەرزشی عێراق بۆ شاندی کوەیت:
لەبەر سەلامەتیی خۆتان یاریگە جێبهێڵن
سەرچاوەکە ئاماژەی بەوەشداوە، شاندی کوەیت بە سەرۆکایەتیی سەرۆکی لیژنەی ئۆڵۆمپی دەستبەجێ یاریگەیان جێهێشتووە و رێگەی فڕۆکەخانەیان گرتووەتەبەر بۆ گەڕانەوە بۆ وڵاتی خۆیان.
ئەمڕۆ جامی کەنداوی 25 لە بەسرە دەستیپێکرد، ئاهەنگی دەستپێکی پاڵەوانێتییەکە لە یاریگەی نەخلە بەڕێوەچوو، کە زیاتر لە 60 هەزار هاندەر ئامادەیبوون.
کوەیت یەکێکە لە هەشت هەڵبژاردە بەشدارەکەی جامی کەنداوی 25، خاوەنی ژمارەی پێوانەییە لە بردنەوەی نازناوی پاڵەوانێتییەکە و تاوەکو ئێستا 10 جار بووەتە پاڵەوان.
