زووم:
خیسۆس کاساس راهێنەری هەڵبژاردەی عێراق، دەڵێت بە فەلسەفەی ئیسپانی بەشداریی لە جامی کەنداودا دەکەین “هەوڵدەدەین بە شێوازێکی نزیک لە شێوازی یاریکردنی هەڵبژاردەی ئیسپانیا یاری بکەین”.
سبەی هەینی 6ی کانوونی دووەمی 2023 بە یاریی نێوان هەردوو هەڵبژاردی عێراق و عومان، جامی کەنداوی 25 لە بەسرە دەستپێدەکات.
اللجنة المنظمة تعلن طاقمي التحكيم لليوم الافتتاحي لخليجي 25
>>التفاصيل🔽https://t.co/lyMwGg7sHi#AGCFF #خليجي_زين25 pic.twitter.com/dthlkix31F
— اتحاد كأس الخليج العربي لكرة القدم (@AGCFF) January 5, 2023
خیسۆس کاساسی ئیسپانی راهێنەری هەڵبژاردەی عێراق، ئەمڕۆ پێنجشەممە لە کۆنگرەیەکی رۆژنامەنووسیدا، گوتی، “یارییەکەمان بەرامبەر عومان، دەبێتە سەرەتایەک بۆ کاروانێکی دوور و درێژ.. درک بەوەدەکەین جامی کەنداو پاڵەوانێتییەکی گرنگە بەلای عێراقییەکانەوە”.
📸 جانب من المؤتمر الصحفي لمدرب المنتخب العراقي قبل مواجهة عمان في افتتاح خليجي زين 25 pic.twitter.com/ij6dJOh9Cw
— اتحاد كأس الخليج العربي لكرة القدم (@AGCFF) January 5, 2023
کاساس، کە پاییزی رابردوو ئەرکی مەشق و راهێنەرایەتیی هەڵبژاردەی عێراقی وەرگرت، دەڵێت، “شانازییەکی گەورەیە لەناو عێراقدا یاری دەکەین، ئامانجمان ئەوەیە دڵی عێراقییەکان خۆش بکەین”.
کاساس (50 ساڵ) لەدایکبوونی مەدریدی پایتەختە، ئەزموونی راهێنەرایەتیی لە ئیسپانیا و ئینگلتەرا هەیە، لە دوو کاتی جیاوازدا وەکو راوێژکار و شرۆڤەکاری یاریی لە یانەی بەرشەلۆنە کاری کردووە.
راهێنەرە ئیسپانییەکە، دەڵێت، بە فەلسەفەی ئیسپانییەوە بەشداریی لە جامی کەنداودا دەکەین “هەوڵمانداوە شێوازێکی یاریکردن هەڵبژێرین نزیک بێت لە شێوازی یاریکردنی هەڵبژاردەی ئیسپانیاوە”.
هەڵبژاردەی عێراق لە جامی کەنداوی 25 لەنێو یاریگەی خۆی یاریدەکات، لە گروپەکەیدا روبەڕوی هەڵبژاردەکانی عومان، سعودیە و یەمەن دەبێتەوە.
شێرەکانی رافیدەین شانبەشانی سعودیە و قەتەر تاوەکو ئێستا سێ جار نازناوی پاڵەوانێتییەکەی بردووەتەوە، کوەیت خاوەنی زۆرترین نازناوە و 10 جار بووەتە پاڵەوان.
دوایینجار ساڵی 1988 بوو، کە عێراق نازناوەکەی بەدەستهێنا. هەروەها ساڵی 1979 دوایینجار بوو کە عێراق میوانداریی پاڵەوانێتییەکە بکات.
