ئاژانسی هەواڵى کوردستان (کوردپا) ئامارى 10 ساڵى تایبەت بە پرسی کۆڵبەرانى بڵاوکردەوە و رایگەیاند، لەو ماوەیەدا هەزار و 849 کۆڵبەری رۆژهەڵاتی کوردستان گیانیان لەدەستداوە و بریندار بوون.
بەگوێرەى ئامارەکە، بە گشتی 552 کۆڵبەر گیانیان لەدەستداوە، کە 420 کەسیان بە تەقەی راستەوخۆی هێزە سنوریەکانی حکومەتی ئێران کوژراون، 132 کەسەکەى دیکە بەهۆى هەرەسى بەفر و کەوتنەخوارەوە گیانیان لەدەستداوە.
هەر بەگوێرەى ئامارەکە هەزار و 297 کۆڵبەر بریندار بوون.
ئامارەکە بەم شێوەیە:
لە ساڵی 2012دا 44 کۆڵبەر گیانیان لەدەستداوە و 29 کۆڵبەر برینداربوون.
لە ساڵی 2013دا 38 کۆڵبەر گیانیان لەدەستداوە و 54 کۆڵبەر برینداربوون.
لە ساڵی 2014دا 34 کۆڵبەر گیانیان لەدەستداوە و 55 کۆڵبەر برینداربوون.
لە ساڵی 2015دا 42 کۆڵبەر گیانیان لەدەستداوە و 30 کۆڵبەر برینداربوون.
لە ساڵی 2016دا 51 کۆڵبەر گیانیان لەدەستداوە و 71 کۆڵبەر برینداربوون.
لە ساڵی 2017دا 67 کۆڵبەر گیانیان لەدەستداوە و 153 کۆڵبەر برینداربوون.
لە ساڵی 2018دا 70 کۆڵبەر گیانیان لەدەستداوە و 158 کۆڵبەر برینداربوون.
لە ساڵی 2019دا 70 کۆڵبەر گیانیان لەدەستداوە و 180 کۆڵبەر برینداربوون.
لە ساڵی 2020دا 53 کۆڵبەر گیانیان لەدەستداوە و 183 کۆڵبەر برینداربوون.
لە ساڵی 2021دا 46 کۆڵبەر گیانیان لەدەستداوە و 162 کۆڵبەر برینداربوون.
لە ساڵی 2022دا 37 کۆڵبەر گیانیان لەدەستداوە و 222 کۆڵبەر برینداربوون.
