مانشێتی بەشێک لە رۆژنامە ئینگلیزییەکانی ئەمرۆ، 28ی کانونی یەکەمی 2022

گاردیان

• ناوەندە خێرخوازییەکانی بەریتانیا بەهۆی بڕینی هاوکارییەکانی یەکێتی ئەوروپا دادەخرێن و حکومەتی وڵاتەکەشیان هاوکاری بۆ دابین ناکرێت
• بەهۆی گۆڕانکارییەکانی کەشوهەوا و شەپۆلە جیاوازەکانی گەرما و سەرما، ژیانی هەندێک لە گیانلەبەرانی بەریتانیا لە مەترسیدایە
• بەهۆی لافاو و داڕمانی زەوییەوە لانیکەم 25 کەس لە فلیپین گیانیان لەدەستداوە و 26ی دیکەش بێسەروشوێنن

تایمز

• هۆشداری دەدرێت لەبارەی بڵاوبوونەی سکانداڵی ئەخلاقی چەند پەرلەمانێکی بەریتانیا بەهۆی ئەوەی لە وڵاتێکی دەرەوەدا چاویان بە ئافرەتانی لەشفرۆش کەوتووە
• بەریتانیا خەریکە دەبێتە یەکەم وڵات لە جیهاندا بۆ نەهێشتنی ڤایرۆسی جگەری جۆری  C
• دیمیتری مێدڤێدێڤ، سەرۆکوەزیرانی پێشووی روسیا، کە هاوڕێی نزیکی پوتینە پێشبینیدەکات ئیلۆن مەسک، ببێتە سەرۆکی ئەمریکا و بەریتانیا بچێتەوە نێو یەکێتی ئەوروپا

فاینەنشیەڵ تایمز

• لە هەنگاوێکی نوێدا بۆ هەڵگرتنی رێکارەکانی خۆپارێزی کۆرۆنا، چین بەنیازە لە 8ی مانگی داهاتووەوە کەرەنتینەی گەشتی فڕۆکەوانی هەڵبگرێت
• پوتین فرۆشتنی نەوت بەو وڵاتانە قەدەغە دەکات، کە بەگوێرەی رێککەوتنەکەی وڵاتانی  گروپى7 بۆ دانانی نرخ لەسەر نەوتی روسیا مامەڵە دەکەن
• بەهۆی مەشقی فڕۆکە جەنگییەکانی چین لە دوو رۆژی رابردوودا، تایوان هێزی بەرگری خۆی بەهێزتر دەکات

ئیندپێندێنت

• شەپۆلی سەرماکەی ئەمریکا زیاتر لە 60 کەسی کوشتووە و شەوی رابردوو شەپۆلێکی نوێی بەفربارین ئەو وڵاتەی گرتەوە
• ناوەندەکانی دابەشکردنی خواردنی بێبەرامبەر لە بەریتانیا بەهۆی زۆربوونی لۆد لەسەریان روبەڕوی “تسونامی دەستکورتی” دەبنەوە
• سەرۆکی ئۆکراین دەڵێت، بۆ دانانی پلانی ئاشتی پشت بە مۆدی سەرۆکوەزیرانی هیندستان دەبەستێت