26
زووم..
وەزارەتی تەندروستیی غەزە رایگەیاند، ئاماری کوژراونی جەنگی غەزە بۆ 52 هەزار و 243 کەس بەرزبووەتەوە، دوای ئەوەی ناسنامەی ئەو کەسانەیان دیاریکردووە کە پێشتر لە لیستی بێسەروشوێناندا تۆمارکرابوون و دەرکەوتووە کوژراون.
وەزارەتی تەندروستیی غەزە دەڵێت، 697 کەسی دیکەیان خستووەتە لیستی کوژراوانەوە دوای ئەوەی لەلایەن لیژنەی یاسایی وەزارەتی تەندروستی تایبەت بە دۆسیەی بێسەروشوێنان وردبینی بۆ ناسنامەکانیان کراوە.
دوای زیاتر لە ساڵێک لە جەنگی غەزە، لە کانوونی دووەمی ئەمساڵ ئاگربەستیی کاتیی غەزە راگەیەندرا، بەڵام لە مانگی ئازاری رابردووەوە هێرشەکانی سوپای ئیسرائیل بۆ سەر غەزە دەستیانپێکردووەتەوە، تەنها لەم ماوە کەمەدا لانیکەم دوو هەزار و 151 فەڵەستینی کوژراون.