مانشێتی بەشێك لە رۆژنامە بەریتانییەکانی ئەمرۆ چوارشەممە، 7ی کانونی یەکەمی 2022

دەیلی مەیڵ

• پارتی کرێکارانی بەریتانیا پارەیەکی زۆریان لە سەندیکاکانی وڵاتەکە وەرگرتووە بۆ زیادکردنی فشارەکان بۆ پەکخستنی حکومەت لەسەروبەندی مانگرتنەکاندا
• ئیمانوێل ماکرۆن سەرۆکی فەرەنسا دەڵێت گومانی نییە فەرەنسا لە یاری چارەکی کۆتاییدا لە ئینگلتەرا دەباتەوە
• دوای هێرشە موشەکییەکەی دوێنێ بۆسەر خاکی روسیا، ئۆکراین هێرشێکی درۆنیی بۆسەر دوو بنکەی هەڵدانی چەکی ئەتۆمی روسیا ئەنجامدا

دەیلی تەلەگراف

• بەهۆی بەردەوامی مانگرتنەکانەوە، ئەگەر لە بەریتانیا تەلەفۆن بۆ ئامبوڵانس بکەیت، کەس بەهاناتەوە نایەت
• لەگەڵ هاتنی سەرماوسۆڵەی زستان ئەمریکا هەناردەی گازی سروشتی بۆ بەریتانیا بۆ دووهێندە زیاددەکات
• پاشای بەریتانیا بۆ دووەمجار لەم مانگەدا هێلکەی تێگیرا، بەڵام بەری نەکەوت، ئەنجامدەری کردوەکە لە بیستەکانی تەمەنیدا بووە و دەستگیرکراوە

ئای

• بەهۆی بەربڵاوبوونەوەی پەتا، بەریتانیا بودجەیەکی زۆر لە کڕینی دەرمان و پێداویستی پزیشکی خەرجدەکات
• مانگرتنەکانی بەریتانیا بەهۆی گرانی شتومەک و کەمیی موچە فراوانتر دەبن، وەزیرەکانیش لە رێگەی یەکێتییەکانەوە (سەندیکاکانەوە) کار بۆ دامرکاندنەوەیان دەکەن
• لافاوەکەی پاکستان لە هاوینی ئەمساڵدا هێندە زیانی بەو وڵاتە گەیاندووە قوربانیانی رووداوەکە دەڵێن هەموو شتێکیان لەدەستداوە جگە لە ژیانیان

فاینەنشیەڵ تایمز

• سەرۆکوەزیرانی بەریتانیا لەژێر فشاردایە بۆ کۆتاییهێنان بە مانگرتنە گشتییەکانی وڵاتەکەی بە رێگەیەکى یاسایی
• بەهۆی کەمی کرێکار و زۆری تێچوونەوە یەکێتی جوتیارانی بەریتانیا هۆشداری دەدات لە کەمبوونەوەی بەروبوومی کشتوکاڵی
• هەنگاریا دەنگ نادات بە پاکێجێکی یەکێتی ئەوروپا بە بڕی 18 ملیار یۆرۆ بۆ ئۆکراین، ئەمەش کیێڤ دەخاتە نێو مەترسییەکی دیکەوە