23
زووم..
سبەی وەزارەتی دارایی هەرێمی کوردستان دەست بە دابەشکردنی مووچەی مانگی سێ دەکات.
وەزارەتەکە لە راگەیەندراوێکدا دەڵێت، بەغداد نزیکەی 955 ملیار دیناری وەک تەمویلی مووچەی مانگی ئازار خراوەتە سەر هەژماری بانکیی وەزارەتی دارایی لە لقی هەولێری بانکی ناوەندی.
دەشڵێت، سبەی پێنجشەمە دەست بە دابەشکردنی مووچەی مانگی ئازار دەکرێت، ئەوانەی بەشێوەی کاش مووچە وەردەگرن، لە کەمترین ماوەدا پارە بۆ بانکەکان دەگوازرێتەوە و دەست بە دابەشکردنی مووچەکانیان دەکرێت، ئەوانەشی بەڕێگەی هەژماری من مووچە وەردەگرن، راستەوخۆ پارە دەخرێتە سەر هەژمارەکانیان و بەکورتەنامە ئاگاداردەکرێنەوە.