85
زووم..
وەزارەتی دارایی رایگەیاند، رێکارەکانی ناردنی تەموویلی مووچەی مانگی سێ تەواوکرا، بڕیارە سبەی پارەکە بخرێتە سەر هەژماری بانکی وەزارەتی دارایی لە لقی هەولێری بانکی ناوەندی عێراق.
وەزارەتی دارایی و ئابووری حکومەتی هەرێمی کوردستان لە راگەیەندراوێکدا ئاشکرایکرد، رێکارەکانی ناردنی تەموویلی مووچە کە بڕەکەی 954 ملیارو 880 ملیۆن و 467 هەزار دینارە، وەک تەمویلی مووچەی مانگی ئازار، لەلایەن وەزارەتی دارایی فیدراڵەوە تەواوکراوە، بڕیارە سبەی پارەکە بخرێتە سەر هەژماری بانکیی وەزارەت.
پێشتریش سەرچاوەیەکی باڵا لە وەزارەتی دارایی بە زوومی گوت، هەرکات پارەی مووچە نێردرا، لیست رادەگەیەنن.