57
زووم..
ئەحمەد شەرع سەرۆکى راگوزەری سوریا، بە فەرمى داوای لە ڤلادیمێر پوتین سەرۆکى روسیا کردووە، بەشار ئەسەد سەرۆکى هەڵاتووی سوریا رادەست بکاتەوە.
سەرچاوەیەکى تایبەت بە کەناڵی حەدەسی سعودیی گوتووە، ئەحمەد شەرع بە فەرمی ئەو داوایەى لە سەرۆکى روسیا کردووە بۆ ئەوەى بەشار ئەسەد لە دادگاکانى سوریا دادگایی بکرێت.
سەبارەت بە رادەستکردنی ئەسەد، ئاژانسی رۆیتەرز لە سەرچاوەیەکی باڵای روسیاوە بڵاویکردەوە، روسیا بە رادەستکردنى ئەسەد بە ئیدارەکەى شەرع رازیی نەبووە.
بەگوێرەى ئاژانسەکە، پێشتر ئەحمەد شەرع داوای گەڕانەوە و رادەستکردنەوەى ئەو پارە و سامانانەى کردووە کە لە روسیا و بانکەکانیدا هەن و خاوەندارییەکەیان بۆ بەشار ئەسەد دەگەڕێتەوە.