54
زووم..
دەستەی راگەیاندن و پەیوەندییەکانی عێراق رایگەیاند، چوارشەممەی داهاتوو دوا مۆڵەتە بۆ کۆمپانیای کۆڕەک تاوەکو قەرزەکانی بدات.
لە راگەیاندراوێکدا دەستەی راگەیاندن و پەیوەندییەکانی عێراق رایگەیاند، ئەم وادەیە دوا وادەیە و درێژ ناکرێتەوە چونکە کۆمپانیای کۆڕەک هیچ چارەسەرێکی بەرچاوی بۆ دانەوەی قەرزە کەڵەکەبووەکانی نەکردووە.
حکومەتی عێراق پێشتر رایگەیاندووە، باجی سەر کۆمپانیاکە گەیشتووەتە ملیارێک دۆلار، بەڵام کۆڕەک رێکارەکانی حکومەتی عێراق بە فشاری سیاسی دەزانێت.
چەند رۆژێک لەمەوبەر زووم لە زاری سەرچاوەیەکەوە رایگەیاند کە بەغداد بەنیازە ئینتەرنێتی کۆڕەک ببرێت و کۆمپانیاکەش تیمێکی نارد بۆ چارەسەرکردنی کێشەکە. بەگوتەی سەرچاوەیەکی کۆڕەک بۆ زووم کە ئەو کات گوتی کێشەکە “ئاسانە و چارەسەری دەکەین.”