دەیلی تەلەگراف: بەریتانیا پێشوازی لە خەڵکی غەزە دەکات

زووم..

دادگای شانیشینی یەکگرتووی بەریتانیا بڕیاریدا بە پێدانی مافی پەنابەرێتی و پێشوازیکردن لە خەڵکی غەزە.

بەگوێرەی هەواڵێکی رۆژنامەی دەیلی تەلەگراف، دادگاکە بڕیاریداوە ئەو کارنامەیەی بۆ پێشوازیکردن لە خەڵکی ئۆکراین دانراوە، بۆ خەڵکی غەزەش بەکاربهێنرێت و دەرگایان بۆ بخرێتە سەر پشت.

رۆژنامەکە باسی لەوە کردووە، خێزانێکی شەش کەسیی هەڵاتوو لە کەرتی غەزە رێگەیان پێدراوە بچنە بەریتانیا و بگەنە لای کوڕێکی خۆیان تا لەگەڵ ئەو نیشتەجێبن.

هاوکات دادگای شانیشی بەریتانیا پێیوایە، هەر رێگریکردنێک لەو خێزانە و هاوشێوەکانیان وەک هەڕەشە وایە بۆسەر ناسنامەی مرۆڤبوونیان.