لە دوو مانگدا 82 کەس بە هێرشەکانی تورکیا بۆسەر رۆژاڤا گیانیان لەدەستداوە

زووم..

لەماوەی دوو مانگدا، 82 کەس  بە هێرشی تورکیا و گرووپە چەکدارەکانی بۆسەر رۆژاڤا گیانیان لەدەستداوە، سەدانی کەسی دیکەش برینداربوون.

بەگوێرەی ئامارێکی ئاژانسی هاوار، لە حەوتی کانوونی یەکەمەوە، تورکیا و گرووپە چەکدارەکانی هێرشی زەمینی و ئاسمانی توندیان بۆسەر شاری مەنبج دەستپێکردووە، دواتر هێرشەکان پەلیانکێشاوە بۆ ناوچەکانی بەنداوی تشرین لە باشووری مەنبج و پردی قەرەقۆزاق لە باشووری کۆبانێ.

سەرەڕای بەکارهێنانی فڕۆکەی جەنگی، درۆن، تانک، تۆپهاوێژ و چەندین چەکی جیاواز، لەماوەی ئەو دوو مانگەدا، تورکیا و گرووپە چەکدارەکانی شکستیان هێناوە لە پێشڕەوی و کۆنتڕڵکردنی گوند و ناوچەکانی نزیک پردی قەرەقۆزاق و بەنداوی تشرین.

ئاژانسی هاوار دەڵێت، شکستی تورکیا و گرووپەکانی لە پێشڕەوی، وایکردووە کۆمەڵکوژی دژی بە هاووڵاتی سڤیل ئەنجامبدەن.