43
زووم..
نۆ رۆژە مانگرتنی بەشێکی مامۆستایان و فەرمانبەران لە سلێمانى بەردەوامە و تیمەکانى فریاکەوتنى سلێمانى لە ناو خێمەى مانگرتوانن و لە شار و شارۆچەکانیشەوە سەردانى مانگرتوان دەکرێت.
مانگرەکان، داوای مووچەی مانگەکانی 12و یەک دەکەن، هاوکات داوای رێککردنەوەی کاتی دابەشکردنی مووچە، پلەبەرزکردنەوە و تەوتینکردن دەکەن.
عوسمان گوڵپى، گوتەبێژى مانگرەکان بە زوومی گوت، مامۆستایانی مانگرتوو ورەیان بەرزە و سوورن لەسەر مانگرتن و درێژەی پێدەدەن.
گوتیشى، مانگرەکان بەردەوام دەبن لە مانگرتن و چاوەڕێى پشتگیریى زیاترى مووچەخۆرانن.