تیمێکی خاچی سووری نێودەوڵەتی سەردانی بەنداوی تشرینیان کرد

زووم..

روانگەی سوری بۆ مافەکانی مرۆڤ دەڵێت، کاتێک تیمێکی خاچی سوری نێودەوڵەتی سەردانی بەنداوی تشرینیان کردووە بۆ بینینی ئەو زیانانەی بەهۆی هێرشەکانی تورکیا و گرووپەکان بەریکەوتووە، شەڕ لە ناوچەکە وەستاوە، بەڵام دوای گەڕانەوەیان، جارێکی دیکە لە دەوروبەری بەنداوی تشرین و پردی قەرەقۆزاق شەڕ و پێکدادان دەستیپێکردووەتەوە.

هاوکات چەکدارانی گرووپەکانی تورکیا لە بەرەی دێر حافری دەوروبەری حەلەب ویستویانە دزە بکەنە نێو پێگەکانی هەسەدە، بەڵام شەڕ و پێکدادانی توند لەنێوانیاندا روویداوە و لە ئەنجامدا سێ چەکداری گرووپەکان کوژراون.

روانگەکە دەشڵێت، چەکدارانی گرووپەکانی تورکیا بۆ دزینی کێبڵی کارەبا هەڵیانکوتاوە سەر گوندی عەوسەجەلی دەوروبەری مەنبج، بەڵام دانیشتووانەکەی رێگەیان پێنەداون، بۆیە چەکدارەکان ژمارەیەک هاووڵاتیان رفاندووە و چارەنووسیان نادیارە.