عەلی حەمەساڵح: وەزارەتی تەندروستی گرێبەستێکی 10 ساڵەی نایاسایی لەگەڵ کۆمپانیایەکی ئەهلی واژۆکردووە

زووم..

عەلی حەمەساڵح، سەرۆکی فراکسیۆنی رەوتی هەڵوێست لە پەرلەمانی کوردستان دەڵێت، لێکۆڵینەوە لە چەند بڕیار و گرێبەستێکی وەزارەتی تەندروستی دەکەن کە زۆر مەترسیدارن.

عەلی حەمەساڵح لە کۆنفرانسێکی رۆژنامەنووسیدا گوتی، 211 جۆر مەواد هەیە لە تاقیگەکان ساڵانە بەجیا گرێبەستیان بۆ دەکرا، بەڵام  ئەمە هەڵوەشاوەتەوە و بە گرێبەستێکی نایاسایی وەزارەتی تەندروستی بۆ ماوەی 10 ساڵ سەرجەم ئەم کەرەستانە لە کۆمپانیایەکی ئەهلی دەکڕدرێت.

پێشتر زووم لە زاری چەند سەرچاوەیەکەوە بڵاویکردەوە حکومەتی هەرێم تاقیگە حکومەییەکان دەدرێن بە کەرتی تایبەت و کڕینی دەرمانی نەخۆشبانی شیرپەنجە کراوە بە کۆمپانیایەک.

لەدوای راپۆرتەکەی زووم، سامان بەرزنجی، وەزیری تەندروستی لە کۆنفەراسێکی رۆژنامەوانیدا رایگەیاند، “نرخی پشکنین لە نەخۆشخانە حکومییەکان یەک دینار زیاد ناکات و تاقیگەکانیش نەدراونەتە کەرتی تایبەت.”