بەرپرسێکی حەماس: لە بەرامبەر راگەیاندنی ئاگربەست 34 بارمتەی ئیسرائیل ئازاد دەکەین

زووم..

بزوتنەوەی حەماس دەڵێت، ئامادەن 34 بارمتەی ئیسرائیلی ئازاد بکەن لەبەرامبەر راگەیاندنی ئاگربەست لە غەزە.

بەرپرسێکی باڵای حەماس بە ئاژانسی هەواڵی فرانس پرێسی گوتووە، لە رێگەی نێوەندگیرەکانەوە ئیسرائیلیان ئاگادارکردوەتەوە، کە ئامادەین 34 بارمتە ئازاد بکەین، لە بەرامبەر راگەیاندنی ئاگربەست لە غەزە.

بۆ ئەو مەبەستەش ناوی 34 بارمتەکەیان داوەتە ئیسرائیل لە رێگای نێوەندگیرەکانیانەوە. لیستی ناوەکانیش ژن و منداڵ و پیاوی بەتەمەن و نەخۆشی تێدایە.

لەبەرامبەردا نوسینگەی سەرۆکوەزیرانی ئیسرائیل رەتیکردوە، ناوی بارمتەکانیان بەدەست گەیشتبێت.