سەرچاوەیەک بۆ زووم: داوا لە وەزارەتەکان کراوە لیستی مووچەی مانگی یەک ئامادە بکەن

زووم..

سەرچاوەیەکی ئاگادار بە زوومی راگەیاند، سەرجەم وەزارەتەکان ئاگادارکراونەتەوە تاوەکو 15ـی ئەم مانگە لیستی مووچەی مانگی یەک یەک ئامادەبکەن.

سەرچاوەکە گوتیشی، سەرجەم وەزارەتەکانمان ئاگادارکردووەتەوە لە 10 بۆ 15ـی ئەم مانگە لیستی مووچە ئامادە بکەن و لەدوای ئەو بەروارە لیستەکە رەوانەی بەغداد دەکرێت.

بەگوتەی سەرچاوەکە، لەدوای گەیشتنی سەرجەم لیستی وەزارەتەکان، وەزارەتی دارایی پاش وردبینی دەیکاتە یەک پاکێج و بە سیدی و کاغەز رادەستی وەزارەتی دارایی عێراقی دەکات.

ئەم زانیارییانە لە کاتێکدایە، ئەمڕۆ دەست بە دابەشکردنی مووچەی مانگی 11ـی ساڵی رابردوو کرا، لەگەڵ دەستپێکردنی ئامادەکاری بۆ مووچەی مانگی یەکی ئەمساڵ، نازانرێت چی بەسەر چارەنووسی مووچەی مانگی 12 دێت.