سوپای ئیسرائیل: بەرپەرچی مووشەکێکمان دایەوە کە لە یەمەنەوە ئاراستەکراوە

زووم..

سوپای ئیسرائیل رایگەیاند، بەیانی ئەمڕۆ بە سەرکەوتوویی بەرپەرچی مووشەکێکیان داوەتەوە، کە لە یەمەنەوە ئاراستە کراوە و چووەتە نێو بواری ئاسمانی وڵاتەکەوە.

لە ناوەڕاست و باشووری ئیسرائیل زەنگی ئاگادارکردنەوە کاراکرا و هاووڵاتییان لەو مەترسییە ئاسمانییە ئاگادارکرانەوە.

بەگوێرەی راگەیەندراوی سوپای ئیسرائیل، پارچەی پاشماوەی مووشەکەکە لە ناوچەی مودیعین لە ناوەڕاستی ئیسرائیل کەوتووەتە خوارەوە.

لەلایەکی دیکەوە خزمەتگوزاریی فریاکەوتنی لەناکاوی ئیسرائیل رایگەیاند، تیمەکانیان کۆمەڵێک کەسیان چارەسەر کردووە، کە بەهۆی رووداوەکە برینداربوون یاخود تووشی پشێویی دەروونی بوون دوای ئەوەی کاتی زەنگەکە بەپەلە چوونەتە نێو پەناگەکانەوە.