هەسەدە: چەند هێرشێکی تورکیا و گرووپە چەکدارەکانمان لە مەنبج تێکشکاند

زووم..

ئەنجومەنی سەربازیی مەنبج و دەوروبەری لە راگەیەنراوێکدا دەڵێت، ئەمڕۆ چەند هێرشێکی تورکیا و گرووپە چەکدارەکانیان لە نزیک گوندەکانی عەتشانە و موساتەحە لە باشووری مەنبج تێکشکاندووە.

هەروەها لە بەرەی شارۆچکەی ئەبو قەلقەل، بەرپەرچی هێرشی گرووپە چەکدارەکانی سەر بە تورکیایان داوەتەوە و تانکێک و زرێپۆشێکیان لە دەوروبەری گوندی عەلوش تێکشکاندووە.

ئەنجومەنی سەربازیی مەنبج ئاماژەی بەوەشکردووە، لە پێکدادانەکاندا دەیان چەکداری گرووپەکان کوژراون و ژمارەیەکی دیکەش برینداربوون.

لە راگەیەنراوەکەدا هاتووە، پێکدادانەکان لە باشوور و رۆژهەڵاتی مەنبج بەردەوامن و تورکیاش بە فڕۆکەی بێفرۆکەوان و تۆپهاوێژ بە سەختی بۆردومانی ناوچەکە دەکات.