کەشناسی پێشبینى دەکات لە سبەینێوە لە هەرێمى کوردستان باران ببارێ

زووم..

کەشناسیی عێراق، پێشبینى دەکات لە سبەینێوە شەپۆلێکى بارانبارین عێراق و هەرێمى کوردستان بگرێتەوە و کەشەکە تاوەکو رۆژى یەکشەممەى داهاتوو باراناوى بێت.

پێشبینى دەکرێت، سبەى پێشنیوەڕۆ لە هەرێمى کوردستان ئاسمان هەور و هەتاو بێت، لە دواى نیوەڕۆوە کەشەکە دەبێتە بارانبارین، لە عێراقیش خێرایی با دەگاتە ٥٠ کیلیۆمەتر لە کاتژمێرێکدا و تەپوتۆزى لەگەڵدا دەبێت.

لەگەڵ کەشە باراناوییەکەدا پێشبینى سارد و سەرماى زۆر ناکرێت، لە ئەمڕۆ خۆشتر دەبێت.