لە ئێران فیلتەر لەسەر واتسئاپ و گووگڵ پلەی لابرا

زووم..

ئەنجومەنی باڵای ئینتەرنێتی ئێران بڕیاریدا فیلتەر لەسەر واتسئاپ و گووگڵ پلەی لاببات.

ئەنجومەنەکە گفتوگۆی لەسەر پرسی پێداچوونەوە بە سیاسەتەکانی فیلتەر و بلۆککردندا کردووە، دواتر ئەندامانی دەنگیان داوە بە لابردنی فیلتەری سەر هەندێک پلاتفۆرمی بیانی کە بە شێوەیەکی بەرفراوان بەکاردەهێنرێن، وەک واتسئاپ و گووگڵ پلەی.

ستار هاشمی، وەزیری پەیوەندییەکان و تەکنەلۆجیای زانیاری لە پۆستێکدا لە پلاتفۆرمی ئێکس نووسیویەتی، هەنگاوی یەکەمی لابردنی سنووردارکردنەکان لە ئینتەرنێتدا نراوە.

ئەم بابەتە لە سەرەتای هاتنەسەرکاری سەرۆککۆماری نوێی ئێران بووەتە بابەتی سەرەکی بۆ جێبەجێکردن.