مەزڵوم عەبدی: بەئیسلامیکردنی سوریا هەڕەشەیە بۆسەر فرەچەشنیی ئاینی و کلتووری لە وڵاتەکەدا

زووم..

مەزڵوم عەبدی، فەرماندەی گشتیی هێزەکانی سوریای دیموکرات دەڵێت، هەر پرۆژەیەک بۆ بەئیسلامیکردنی سوریا، هەڕەشە لە شوناسی فرەچەشنی کلتووری و ئاینیی وڵاتەکە دەکات.

عەبدی لە چاوپێکەوتنێکیدا لەگەڵ کەناڵی حوڕە، هۆشداری دەدات لەهەر پرۆژەیەک بیەوێت سوریا بەئیسلامی بکات، داواش دەکات، داهاتووی سوریا لەسەر بنەمای دادپەروەری و یەکسانیی نێوان هەموو ئاین و پێکهاتەکان دابمەزرێنرێت.

عەبدی گوتوویەتی، ئەوان چارەسەری ئاشتییانەیان  بۆ سوریا دەوێت و کەناڵی پەیوەندی لەگەڵ تەحریر شام دەکەنەوە بۆ ئەوەی هیچ پێکدادانێک لەنێوانیاندا روونەدات.

فەرماندەی گشتیی هەسەدە باسی لەوە کردووە، هێشتا دانوستانیان لەگەڵ ئیدارەی نوێی سوریا نەکردووە و بەڵام کاری لەپێشینەیان لەئێستادا، فەراهەمکردنی کەشێکە تێیدا هەموو پێکهاتەکانی سوریا پارێزراو بێت.