ترەمپ: کۆتایی بە گرژییەکانی رۆژهەڵاتی ناوەڕاست و جەنگی ئۆکراین دەهێنم

زووم…

دۆناڵد ترەمپ، سەرۆکی هەڵبژێردراوی ئەمریکا دەڵێت، لە کاتی گرتنەدەستی دەسەڵات کۆتایی بە جەنگی ئۆکراین و گرژییەکانی رۆژهەڵاتی ناوەڕاست دەهێنێت.

دۆناڵد ترەمپ لە گوتەیەکدا ئاماژەی بەوەکرد، بەشداری ئەمریکا لەو جەنگە دەرەکییانە رادەگرێت کە لە رابردوودا وڵاتەکە بەشێوەیەکی گاڵتەجاڕانە تێوەیان گلاوە.

گوتیشی، گۆڕانکاریی گەورە لە ئەمریکادا دەکات و رێگریش لە هەڵگیرسانی جەنگی جیهانیی سێیەم دەکات.

دۆناڵد ترەمپ ئاماژەی بەوەکرد، لەگەڵ دەستبەکاربوونیدا گەورەترین پرۆسەی دیپۆرتکردنەوەی پەنابەران لە مێژووی وڵاتەکەدا دەستپێدەکات و بۆ هەمیشە کۆتایی بە کۆچیی نایاسایی بۆ وڵاتەکە دەهێنێت.

هەروەها دووبارە ئەمریکا بوونیاد دەنێتەوە و سوپای ئەمریکا دوای ساڵانێک لە بەرگری لە وڵاتانی دیکە، دەگەڕێنێتەوە بۆ بەرگری لە سنوورەکانی ئەمریکا.