هەفتەى داهاتوو شاندی ئیمراڵی سەردانی ئۆجالان دەکات

زووم..

لەسەر بانگەوازەکەى دەولەت باخچەلی سەرۆکی گشتیی مەهەپە، رەنگە لە هەفتەى داهاتوو رێگە بدرێت شاندی دەم پارتی سەردانی ئۆجالان بکات.

بەگوێرەى هەواڵێکی رۆژنامەى جمهورییەت هەریەک لە سرری سورەیا ئۆندەر و پەروین بوڵدان وەک پەڕلەمانتارانی دەم پارتی سەردانی ئۆجالان دەکەن و لەسەر دوا پێشهاتەکانی ناوچەکە و هەوڵەکانی پرۆسەی ئاشتی لە تورکیا گفتوگۆ دەکەن.

لە درێژەى هەواڵەکەدا هاتووە چاوەڕێ دەکرێت لەپاش روخانی رژێمی ئەسەد و گۆڕانکارییەکانی ناوچەکە عەبدوڵا ئۆجالان سەرۆکی پەکەکە پەیامێک بۆ رایگشتی بڵاوبکاتەوە.