دوو کڕێکاری رۆژاڤاى بەهۆى بوونى غازى سۆپاوە لەژێر چادردا گیانیان لەدەستدا

زووم..

زوومى کەرکوک گواستیەوە، شەوى رابردوو لە کەرکوک دوو هاووڵاتى کوردى رۆژاڤاى کوردستان، بەهۆى بوونى غازى سۆپاوە لەژێر چادردا گیانیان لەدەستدا.

زوومى کەرکوک دەڵێت، ئەو دوو هاووڵاتییەى گیانیان لەدەستداوە، بەمەبەستى کارکردن و کرێکارى چوونەتە کەرکوک و دوێنێ شەو، بۆ خۆگەرمکردنەوە زۆپایان داگیرساندووە، بەڵام بەهۆى بوونى غازى زۆپاکەوە لە خەودا گیانیان لەدەستداوە.

باسی لەوەش کردووە، تەرمى هاووڵاتییەکان لە ئێستادا، لە پەیمانگاى پزیشکى دادى کەرکوکە و بڕیارە سبەى تەرمەکان بگوازرێنەوە بۆ پەیمانگاى پزیشکى دادى بەغداد، تاوەکو رێکارە یاساییەکان تەواوبکرێن و رادەستى کەسوکاریان بکرێنەوە.