ئەحمەد شەرع بۆ یەکەمجار بە راشکاوی لەبارەی کوردەوە دەدوێت

زووم..

ئەحمەد شەرع ناسراو بە ئەبو محەمەد جۆلانی، فەرماندەی گشتیی دەسەڵاتی نوێی سوریا، بۆچوونی خۆی لەسەر کوردی سوریا دەربڕی و گوتی، لەمەودوا ستەم لە کورد ناکرێت.

ئەحمەد شەرع لە وەڵامی پرسیاری رۆژنامەنووسیێک لەبارەی کورد گوتی، ئەوان بەشێکن لە نیشتیمانی سوریا، ستەمێکی زۆریان لێکراوە و چیتر ئەوە روونادات.

فەرماندەی گشتیی دەسەڵاتی نوێی سوریا لەگەڵ ئەوەشدا گوتی، جیاوازی لە نێوان کورد و پەکەکە هەیە.

ئەحمەد شەرع، کە سەرۆکی دەستەی تەحریری شامە، لە لیستی تیرۆری ئەمریکادایە، بەڵام بووەتە رەمزی سەرەکی رووخاندنی دەسەڵاتەکەی بەشار ئەسەد.

تەحریری شام لەماوەی 11 رۆژدا توانی پێشڕەوەییەکی چاوەڕواننەکراو بکات و کۆتایی بە دەسەڵاتی 24 ساڵەی بەشار ئەسەد بهێنێت.