56
زووم..
سەرچاوەیەک لە حکومەتی هەرێمی کوردستان بە زوومی راگەیاند، ئەنجومەنی وەزیران، وەزارەتی دارایی راسپاردووە سبەی لیستی مووچەی مانگی 10 رابگەیەنێت.
ئەو سەرچاوەیە بە زوومی گوت، بە ئەگەری زۆرەوە سبەی دووشەممە لیستی مووچەی مانگی 10 بڵاودەکرێتەوە، پێش کۆتایی ئەم مانگەش مووچەی مانگی11 خەرج دەکرێت، واتە لەم مانگەدا دوو مووچە بە فەرمانبەران دەدرێت.
ئەو سەرچاوەیە گوتی، تائێستا چارەنووسی مووچەی مانگی 12 دیار نییە و بڕیاری لەبارەوە نەدراوە.
یەکشەممەی رابردوو حکومەتی عێراق 761 ملیار دیناری بۆ مووچەی مانگی 10 ناردبوو، بەڵام ئەوکات حکومەتی هەرێم ئامادەنەبوو وەریبگرێت، بەهۆی ئەوەی زیاتر لە 200 ملیار کورتهێنانی هەیە.
