ئاکسیۆس: ئەسەد چووەتە بنکەیەکی سەربازیی روسیا بۆئەوەی بەرەو مۆسکۆ هەڵبێت

زووم..

ماڵپەڕی ئاکسیۆس دەڵێت، بەشار ئەسەد، سەرۆکی هەڵاتووی سوریا نیوەشەوی رابردوو چووەتە بنکەیەکی سەربازیی روسیا هەتا لەوێوە بەرەو مۆسکۆ هەڵبێت.

بەرپرسێکی ئیسرائیلی بە ماڵپەڕی ئاکسیۆسی گوتووە، نیوەشەوی رابردوو ئەسەد دیمەشقی بەجێهێشتووە و بەرەو بنکەیەکی سەربازیی روسیا رۆیشتووە و هەتا لەوێوە بچێتە مۆسکۆ.

پێشتر ئاژانسی رۆیتەرز رایگەیاند، فەرماندەیی سوپای سوریا ئەفسەرانی سوپای ئاگادارکردووەتەوە لەوەی دەسەڵاتی بەشار ئەسەد، سەرۆکی سوریا کۆتایی هاتووە و بەرەبەیانی ئەمڕۆوە دیمەشقی بەرەو شوێنێکی نەزانراو بەجێهێشتووە.

روانگەی سوری بۆ مافەکانی مرۆڤیش زانیارییەکانی رۆیتەرزی پشتڕاستکردەوە و گوتی، بەرەبەیانی ئەمڕۆ ئەسەد بە فڕۆکەیەک وڵاتی بەجێهێشتووە.