ئەنچیلۆتى یارییەکەیان بەرامبەر بلباو بە قورس دەزانێت و ستایشى هەڵسوکەوتى ئێمباپێش دەکات.
کارلۆ ئەنچیلۆتى راهێنەرى ریاڵ مەدرید لە کۆنفرنسى رۆژنامەنوسى تایبەت بە یارییەکەى ئەمشەوى بەرامبەر ئەتلەتیک بلباو ئاماژەى بەوەکرد، یارییەکەیان رووبەڕووبوونەوەیەکى قورس دەبێت بەرامبەر رکابەرێکى بەهێز لە کەشێکى نایابدا.
ئەنچیلۆتى گوتى “ئێمە لە ساتێکى باشداین و ئەوەى لە تواناماندا هەبێت دەیکەین، بلباویش ئاستێکى بەرز پێشکەش دەکات و یەکێکە لە باشترین یانەکانى ئیسپانیا”.
ئەنچیلۆتى باسى لەوەشکرد، چوامینى لە بارودۆخێکى باشدایە و بەشێویەکى نایاب راهێنانى کردووە و بەتەواوى لە پێکانەکەى چاکبووەتەوە، ئامادەیە بەسەرەکى یارى بکات، بەڵام دواتر دەزانن لە چ شوێنێکدا یارى پێدەکەن.
لە بارەى رۆڵى ئێمباپێ لەگەڵ تیپکە ئەنچیلۆتى دەڵێت “بەلاى منەوە ئەو هەڵسوکەوتانە واى لێدەکات ببێتە یاریزانێکى مەزنتر، کاتێک ئەو بەهرە ناوازەکەى بۆ تیپەکەى بەکاردەهێنێت، ئەوە شتێکە شایستەى رێزە”.
