ئەمڕۆ چەکی پارەی گەنمى جووتیاران دابەش دەکرێت

زووم

سایلۆکانى هەولێر و سلێمانى رایانگەیاند، ئەمڕۆ چەکی پارەی گەنمى جووتیاران دابەش دەکرێت و  دەتوانن پارەکانیان وەربگرن.

سایلۆی هەولێر لە راگەیەنراوێکدا دەڵێت، ئەمڕۆ دابەشکردنی چەکی پارەى گەنمى ئەو جووتيارانە دابەش دەکرێت کە گەنمەکانیان رادەستی سایلۆی هەولێر کردووە، واتە لە زنجیرە سێ هەزار و 881 تاوەکو چوار هەزار و 130.

هەر ئەمڕۆ لە سایلۆی قوشتەپە، چەکی پارەى گەنمى ئەو جووتیارانە دابەش دەکرێت، کە  گەنمەکانیان رادەستی سایلۆی قوشتەپە کردووە، لە زنجیرە هەزار و 295 تاوەکو هەزار و 388.

هاوکات ئەمڕۆ، سایلۆى سلێمانیش پارەى گەنمى ئەو جووتیارانە دابەش دەکات پێشتر گەنمیان رادەست کردبوون، زنجیرەکەیان لە هەزار و 801 دەستپێدەکات بۆ هەزار و 950.