18
زووم..
دوای دوو هەفتە لە دانووستانی بەردەوام، وڵاتانی کۆپ 29 رێککەوتن لەسەر پێدانی بڕێک پارەی ساڵانە بە وڵاتانی تازەگەشەندوو بەمەبەستی رووبەڕووبوونەوەی گۆڕانەکانی کەشوهەوا.
هەرچەندە بڕیاربوو لوتکەی لایەنانی کۆپ 29 رۆژی هەینی کۆتایی بێت، بەڵام بۆ ماوەی دوو شەو درێژکرایەوە، وڵاتانی تازەگەشەسەندوو ئەو بڕە پارەیەیان پەسەندکرد کە وڵاتانی پێشکەوتوو دابینی دەکەن و بڕەکەی 300 ملیار دۆلارە و تاوەکو ساڵی 2035 دەخایەنێت.
هەرچەندە پێشتر وڵاتە تازەگەشەسەندووەکان رازی نەبوون بەم بڕە پارەیە و داوای زیاتریان دەکرد، بەڵام دواجار پەسەندیان کرد، بەشێک لەم پارەیەی پێیان دەدرێت دەخرێتە خزمەتی کەمکردنەوەی دەرچوونی گازە زیانبەخشەکان کە دەبنەهۆی قەتیسبوونی گەرمای زەوی.
