23
زووم..
هاکان فیدان، وەزیری دەرەوەى تورکیا رایگەیاند، تورکیا سەبارەت بە نیگەرانییەکانیان لە پرسی رۆژاڤای کوردستان هۆشداریی و نیگەرانییەکانی ئەنقەرەیان بە دۆناڵد ترەمپ سەرۆکی نوێی ئەمریکا گەیاندووە.
بە گوێرەى هەواڵێکی رۆژنامەى ئاکیت، هاکان فیدان وەزیری دەرەوەی تورکیا دەربارەى هەڵبژاردنەوەى دۆناڵد ترەمپ بە سەرۆکی ئەمریکا رایگەیاندووە: هێشتا سیاسەتی ترەمپ لەبارەی یەپەگە لە رۆژاڤای کوردستان بۆ تورکیا روون نییە، لەگەڵ ئەوەشدا پێشتر دەربارەى یەپەگە هۆشداری خۆیان بە ترەمپ داوە و داوایان کردووە ئەمریکا چاو بە سیاسەتەکانی خۆی لەگەڵ رۆژاڤای کوردستان بخشێنێتەوە.
هۆشداریمان بە ترەمپ داوە
فیدان راشیگەیاندووە لە هەر دەرفەتێکدا وەک تورکیا ئەوە دووپاتدەکەنەوە هەڵوێستیان دەربارەی رۆژاڤای سوریا جدین و پێویستە داواکارییەکانیان بەهەند وەربگیرێن.
