فلیک چارەنوسى یامالى بۆ یارییەکەى ئەمشەو یەکلاکردەوە

هانسى فلیک رایگەیاند لامین یامال بۆ یارییەکەى ئەمشەو ئامادەنابێت و بۆ یاری چامپیۆنز لیگ هەڵسەنگاندنی بۆ دەکرێت.

لە کۆنفرانسى ڕۆژنامەنووسى پێش یارییەکەی ئەمشەوى یانەی بەرشەلۆنە بەرامبەر یانەی سێڵتا ڤیگۆ هانسى فلیک ڕاهێنەری بەرشەلۆنە ڕایگەیاند یارییەکی گرنگ و قورسیان لەپێشە و خۆیان بە باشی بۆ ئامادهکردووە.

سەبارەت بە یاریزانە پێکراوەکان راهێنەرە ئەڵمانیەکە گووتی: لامین یامال بەڕێژەی سەد لە سەد ئامادە نەبێت بانگێشتی یارییەکانی داهاتوو ناکرێت.

فلیک ئاماژەی بەوەشکرد، ئاراوخۆ یەکشەممە دەستدەکاتەوە بە مەشق و ڕاهێنانەکان و کرێستێنسن هێشتا لە پێکانەکەی چاک نەبۆتەوە و گاڤی بە تەواوەتی ئامادەیە بۆ یاریکردن بەشێوەیەکی سەرەکی.