کەشناسی پێشبینى دەکات بارانی بە لێزمە پارێزگاکانی ئیلام و کرماشان بگرێتەوە

زووم..

کەشناسیی ئێران رایگەیاند، شەپۆلێکی بارانبارین بەڕێوەیە و لە سبەینێوە پارێزگاکانی ئیلام و کرماشانی رۆژهەڵاتی کوردستان دەگرێتەوە و تاوەکو رۆژی چوارشەممە بەردەوام دەبێت و دواتریش تاڕادەیەک پارێزگاکانی سنە و ورمێ دەگرێتەوە.

هەروەها پێشبینییەکان دەریدەخەن رۆژانی دووشەممە و سێشەممە بارانبارین چڕتردەبێتەوە و پلەی گەرمی بەیانیان تاوەکو کۆتایی هەفتەی داهاتوو بەشێوەیەکی بەرچاو دادەبەزێت.

چاوەڕێی ئەگەری هەورەبروسکە و بای بەهێز و تەپوتۆز و باران و هەورەتریشقە و لافاو دەکرێت.

رێکخراوەکە داوا لە خەڵکى دەکات خۆیان لە شاخەوانی و نزیکبوونەوە لە رووبارەکان و هاتوچۆی ناپێویست بەدوور بگرن.