مەحمود مەشهەدانی: ناوچەکە لەبەردەم جەنگێکی گەورەدایە

زووم..

سەرۆکی پەرلەمانی عێراق رایگەیاند، هەندێک نەخشەی کۆن لە رۆژهەڵاتی ناوەڕاست گۆڕانکارییان بەسەردا هاتووە.

قسەکانى مەحمود مەشهەدانی، سەرۆکی پەرلەمانی عێراق لەچوارچێوەى کۆڕبەندی ئاشتی و ئاسایشی رۆژهەڵاتی ناوەڕاست لە دهۆک بوو، کە ئەمڕۆ بەڕێوەدەچێت.

ئەو گوتیشى: عێراق و هەرێمی کوردستان رووبەرووی ئاڵنگارییەکی نوێی ناوچەیی بووەتەوە.

سەرۆکی پەرلەمانی عێراق باسى لەوەش کرد، کە ناوچەکە لەبەردەم جەنگێکی گەورەدایە و دەبێت عێراق و هەرێمى کوردستان خۆیانى لێ بپارێزن.

سەرۆکی پەرلەمانی عێراق هەروەها رایگەیاند، جەنگ و ئاڵنگاری چواردەوری عێراقی گرتووە.