کەشناسی: هەفتەی داهاتوو شەپۆلێکی وشکەسەرما روو لە هەرێمی کوردستان دەکات

زووم..

کەشناسیی هەرێمی کوردستان رایگەیاند، هەفتەی داهاتوو شەپۆلێکی وشکەسەرما روو لە هەرێمی کوردستان دەکات و لە هەندێک ناوچە پلەکانی گەرما بۆ خوار سفری پلەی سیلیزی دادەبەزن.

فازڵ ئیبراهیم، بەڕێوەبەری کەشناسی هەرێمی کوردستان لە لێدوانێکدا بەزوومی گوت، رۆژی یەکشەممە نمەباران سەرجەم ناوچەکانی هەرێمی کوردستان دەگرێتەوە و رۆژی دووشەممە لە سەرجەم ناوچەکاندا شەپۆلێکی وشکەسەرما بڵاودەبێتەوە.

گوتیشی، پلەکانی گەرما لە ناوچە سنورییەکاندا بۆ سفر پلەی سیلیزی و پلەکانی خوار سفر دادەبەزن.

بەڕێوەبەری کەشناسی هەرێمی کوردستان ئاماژەی بەوەشکرد لە چۆمان، حاجی ئۆمەران و پێنجوێن کەمێک بەفر دەبارێت.