لە تەقینەوەیەکدا لە دوزخورماتوو فەرماندەیەکی کورد گیانی لەدەستدا

زووم..

بەهۆى تەقینەوەى بۆمبێک لە سنوورى دوزخورماتوو سێ کەس گیانیان لەدەستدا، فەرماندەى فەوجێکى لیواى هاوبەش کە کوردە لەگەڵ ئەفسەرێک و پاسەوانێک گیانیان لەدەستداوە و سێ سەربازیش بریندار بوون.

زوومی کەرکوک رووداوەکەی گواستووەتەوە و دەڵێت، لە نزیک گوندی قۆیچای لە ناوچەی غەڕە، سەربە قەزای دوزخورماتوو بۆمبێکی تەوقیتکراو بە فەرماندەی فەوجی سێی لیوای یەکی هاوبەش تەقیوەتەوە.

دەشڵێت، بەهۆی تەقینەوەکەوە، عەقید ركن سامان سابر سلێمان فەرماندەی فەوجەکە، کە کوردە، لەگەڵ پاسەوانێک و ئەفسەرێک گیانیان لەدەستداوە و سێ سەربازی دیکەش برینداربوون.

ئەو هێزەی بۆمبەکەی پێدا تەقیوەتەوە، ماوەیەکی کەمە ئەرکەکانی دەستپێکردووە و لەو ناوچەیە جێگیرکراوە و بەشێکە لە هێزە هاوبەشەکانی نێوان هەولێر و بەغداد، کە بۆ پڕکردنەوەی بۆشاییە ئەمنییەکان دروستکراون.