زووم..
سەرۆکی نوێی هەڵبژێردراوی ئەمریکا دەڵێت، مایک پۆمپیۆ، وەزیری پێشووتری دەرەوەی ئەمریکا و نیکی هایلی، باڵیۆزی ئەمریکا لە نەتەوەیەکگرتووەکان، لە ئیدارە نوییەکەی کۆشکی سپیدا نابن.
دۆناڵد ترومپ لە تۆڕی تورس سۆشیەڵ نووسیویەتی، نیکی هایلی و مایک پۆمپیۆی بانگهێشت نەکردووە بێنە نێو ئیدارە نوێیەکەی کۆشکی سپی.
ترەمپ دەشنوسێت، پێزانینی زۆرم هەبوو لە کارکردن لەگەڵ ئەواندا و کارکردن لەگەڵ ئەوانیش زۆر خۆش بوو.
بەگوێرەی ئاژانسی فرانس پرێس، مایک پۆمپیۆ، کە سەر بە باڵی راستی پارتی کۆمارییە، خولی پیشووتری سەرۆکایەتیی ترەمپ، بە خێرایی متمانەی بەدەستهێنا، بە تایبەت لە پرسی کشانەوەی رێککەوتنی ئەتۆمی ساڵی ٢٠١٥ لەگەڵ ئێران و نزیکبوونەوە چاوەڕوان نەکراوەکەی ئەمریکا لەگەڵ کۆریای باکوور.
ئاژانسەکە ئاماژە بۆ ئەوەش دەکات، هایلیش رۆڵێکی بەرچاوی هەبوو لە نوێنەرایەتیکردنی ئیدارەکەی ترەمپ لەبەردەم نەتەوەیەکگرتووەکان و پیادەکردنی سیاسەتێکی بەهێز و وورد بەرامبەر بە پرسە نێودەوڵەتییەکان.
