31
زووم..
جۆ بایدن، سەرۆکی ئەمریکا رۆژی چوارشەممە پێشوازی لە دۆناڵد ترەمپی سەرۆکی هەڵبژێردراوی ئەمریکا دەکات.
کارین جان، گوتەبێژی کۆشکی سپی رایگەیاند، جۆ بایدن بە فەرمی لە کۆشکی سپی پێشوازی لە سەرۆکی هەڵبژێردراوی ئەمریکا دەکات.
بایدن پێشتر رایگەیاندبوو، بە شێوەیەکی ئاشتییانە و رێکخراو دەسەڵات رادەستی ترەمپ دەکات.
رۆژی سێشەممە ترەمپ توانی هەڵبژاردنە سەرۆکایەتییەکەی ئەمریکا بباتەوە و شکست بە کامالا هاریسی کاندیدی دیموکراتەکان بهێنێت.
بەگوێرەی ئاژانسی فرانس پرێس، ترەمپ هەرگیز دانی بە شکستی خۆیدا لە هەڵبژاردنەکانی ساڵی ٢٠٢٠ نەنا، لە ٥ـی ئەم مانگەش کاتێک سەرکەوتنی بەسەر کامالا هاریس لە دوایین هەلبژاردن تۆمارکرد، دوای نزیکەی ١٠ ساڵ لە چالاکیی سیاسیی، رۆژی چوارشەممە دەگەڕێتەوە کۆشکی سپی.
