ئیسرائیلییەکان دوای هەڵپەساردنى نێوەندگیرییەکەی قەتەر نیگەرانی بارمتەکانیانن

زووم..

دوای ئەوەى قەتەر نێوەندگیریی دانوستانەکانی  بۆ راگرتنی جەنگی غەزە و ئاڵوگۆڕی بارمتەکان هەڵپەسارد، ئیسرائیلییەکان نیگەرانن لە چارەنووسی ئەو بارمتانەى هێشتا لە کەرتی غەزە لەژێردەستى بزووتنەوەى حەماسدا ماونەتەوە.

بەگوێرەى ئاژانسی فرانس پرێس، ئەمڕۆ 400 رۆژ بەسەر جەنگى غەزە تێدەپەڕێت و تاکو ئێستا دەیان خۆپیشاندان لەسەر چارەنووس و پرسی ئاڵوگۆڕی بارمتەکان دژ بە حکومەتەکەى بنیامین نەتەنیاهۆ، سەرۆکوزیرانى ئیسرائیل ئەنجامدراوە، بەڵام لە هەڵایسانى ئەو جەنگەوە هیچ کام لەو بارمتانە ئاڵوگۆڕ نەکراوە.

هەر بەگوێرەى ئاژانسەکە، لە کاتی هێرشەکەدا چەکدارانى بزووتنەوەى حەماس 251 کەسیان رفاندووە، 97 کەسیان تا ئێستا لە کەرتى غەزە لەژێر دەستى حەماس ماونەتەوە، لەو ژمارەیەش سوپای ئیسرائیل دەڵێت 34 کەسیان کوژراون.