25
زووم.
رێکخراوی سی پی تیی ئەمریکی رایگەیاند، تەنها ئەمڕۆ هێزی ئاسمانیی تورکیا 17 جار هێرشیان کردووەتە سەر چیای مام رەشا لە سنووری قەزای ئامێدی.
کامەران عوسمان، سەرۆکی تیمی کوردستانی رێکخراوی سی پی تیی ئەمریکی بڵاویکردووەتەوە، ماوەی 10 رۆژە رووبەڕووبوونەوەی سەخت هەیە لەنێوان گەریلاکانی پارتی کرێکارانی کوردستان و سەربازانی سوپای تورکیا لە بەشێکی گوندەکانی بەری گارێ و ناوچەی نهێلێ و گوندی سیدان لە نزیک رووباری باسیا لە قەزای ئامێدی.
کامەران عوسمان ئاماژەی بەوەش کردووە، لە کاتژمێر 11:48 خولەکی پێشنیوەڕۆی ئەمڕۆوە هێزی ئاسمانیی تورکیا، بە سێ هێلیکۆپتەری سەربازی، 17 جار هێرشیان کردووەتە سەر چیای مام رەشا و بۆ ماوەی نیو کاتژمێر بەسەر ئاسمانی ناوچەکەدا سووڕاونەتەوە.
