لە سنووری پارێزگای دهۆک ژن و مێردێک لە ماڵەکەی خۆیاندا کوژران

زووم..

لە سنووری قەزای سێمێل لە پارێزگای دهۆک ژن و مێردێک کە خەڵکی رۆژاڤان لەماڵەکەی خۆیاندا لەلایەن کەسانی نەناسراوە کوژران.

زومی دهۆک گواستییەوە رووداوەکە نزیکەی کاتژمێر یەکی شەوی رابردوو روویداوە، ژن و مێردێک لە ناحیەی فایدەی سەر بەقەزای سمێل لە پارێزگای دهۆک لە ماڵەکەی خۆیاندا  کوژران.

ژن و مێردەکە تەمەنیان 30 ساڵ و 35 ساڵە، منداڵێکی تەمەن پێنج مانگیان لەدوا بەجێماوە.

ئەو ژن و مێردە خەڵکی رۆژاڤای کوردستانن، تائێستا هۆکاری رووداوەکە نەزانراوە و تەرمەکانیان رەوانەی پزیشکی دادوەری دهۆک کراوە، هێزە ئەمنییەکانیش لێکۆڵینەوەکانیان لەبارەی رووداوەکە دەستپێکردووە.