20
تیروپشکى جامى ئاسیاى خوار ٢٠ ساڵ راکێشرا و عێراق کەوتە کۆمەڵەى دووەمەوە.
یەکێتى تۆپى پێى ئاسیا تیپروپشکى جامى نەتەوەکانى ئاسیاى خوار ٢٠ ساڵى راکێشرا، کە بڕیارە ساڵى داهاتوو لە چین بەڕێوەبچێت.
بەگوێرەى تیروپشکەکە، هەڵبژاردەى عێراق کەوتە کۆمەڵەى دووەمەوە و هەریەکە لە هەڵبژاردەکانى ئوردن و سعودیە و کۆریاى باکورى لەگەڵدایە.
چین و ئوسترالیا و قیرگزستان و قەتەر لە کۆمەڵەى یەکەمدان، کۆمەڵەى سێیەمیش لە ئۆزباکستان و ئێران و ئیندۆنیسیا و یەمەن پێکدێت، کۆمەڵەى چوارەمیش هەریەکە لە ژاپۆن و کۆریاى باشور و سوریا و تایلەند لەخۆدەگرێت.
بڕیارە ٤٢یەمین پاڵەوانێتى جامى ئاسیاى خوار ٢٠ ساڵ لە نێوان ١٢ى شوبات بۆ یەکى ئازارى ٢٠٢٥ لە چین بەڕێوەبچێت.
