زووم..
تووشبوون بە سکووچون و رشانەوە لە قەزاری شارەزوور گەیشتووەتە 800 حاڵەت و هیشتا بەڕوونی هۆکاری بڵاوبوونەوەی دیار نییە.
بەگوێرەی دواین ئاماری نەخۆشخانەکە کە دەست زووم کەتووە، لاینکەم 800 کەس لە 24 کاتژمێری رابردوودا سکچوون و رشانەوەیان گرتووە.
سامان سابیر، لێپرسراوی بەشى فریاکەوتنى نەخۆشخانەکە دەڵێت، گۆمان دەکرێت، هۆکاری بڵاوبوونەوەی نەخۆشییەکە، سەرچاوەى ئاوى خواردنەوەى قەزاکە بێت.
هەر لەبارەى بڵاوبوونەوەى نەخۆشییەکەوە، سەرکار سورچی گوتەبێژی وەزارەتی تەندروستی بە زوومى گوت، لیژنەیەک لەلایەن بەڕێوەبەرایەتیی گشتیی تەندروستیی سلێمانی راسپێردراوە بۆ ئەوەی لێکۆڵینەوە ئەنجام بدەن و هۆکارەکان دەستنیشان بکەن.
گوتیشى، لە لایەن بەڕێوەبەرایەتیی گشتیی تەندروستیی سلێمانییەوە پزیشکی پسپۆڕ و پێداویستی پزیشکی رەوانەی قەزای شارەزوور کراون بۆ ئەوەی دۆخەکە کۆنتڕۆڵ بکەن.
زوومی سلێمانی گواستییەوە، بەشێک نەخۆشەکان چارەسەریان بۆ کراوە و نێردراونەتە ماڵەوە، بەڵام بەشیکی دیکەیان هێشتا لە نەخۆشخانەکە ماون.
