زووم..
بەشى پەیوەندییەکان و راگەیاندنى تیمى هەژمارى من بە زوومیان راگەیاند، لە ماوەى شەش مانگى رابردوودا 34 هەزار مووچەخۆر فۆرمى تى بى ئاییان پڕکردووەتەوە.
تیمى هەژمارى من بە زوومیان گوت، لە ماوەى شەش مانگى رابردوودا 34 هەزار فەرمانبەری هەرێمی كوردستان، فۆڕمیان پڕ كردووەتەوە تاوەكو لەرێگای بانكی تی بی ئای موچەكانیان وەربگرن.
گوتیشى، زۆرترینى ئەو فەرمانبەر و مامۆستایانەى کە فۆڕمیان پڕکردووەتەوە لە سنوورى پارێزگاى سلێمانین.
گوتیشى، لە ئێستادا، 10 هەزار كارت تەواو بووە و تی بی ئای لە چوارچێوەی پڕۆژەی هەژماری من دەیداتەوە بە مووچەخۆران و تاوەكو كۆتایی ئەمساڵیش 24 هەزار كارتى دیكەش تەواو دەبن و دەدەرێتەوە بە مووچەخۆران.
پێشتر، بانکى تى بى ئاى رایگەیاندبوو، بەگوێرەی بڕیاری دادگای فیدراڵی و لەسەر راسپاردەی محەمەد شیاع سودانیی سەرۆکوەزیران، گرێبەستێکیان بەمەبەستی بەبانکیکردنی مووچەی فەرمانبەرانی هەرێمی کوردستانی لەگەڵ هەژماری من واژۆکردووە و دوو لقی بانكی تی بی ئای لە سلێمانی و هەڵەبجە دەکرێنەوە.
